Եվրոպա Հյուրանոց (Արցախ)

     «Եվրոպա» հյուրանոցային համալիրը կառուցվել է 2011 թվականին Արցախում: Այս հարմարավետ հյուրանոցում ստեղծված են բոլոր անհրաժեշտ պայմանները Ձեր լիարժեք և անմոռանալի հանգիստը կազմակերպելու համար: Այն նախատեսված է ակտիվ, ճոխ և միևնույն ժամանակ հարմարավետ հանգիստ նախընտրողների համար: Հյուրանոցն իր այցելուներին առաջարկում է բոլոր հարմարություններով հագեցած և ինքնատիպ կահավորանքով ընդարձակ և շքեղ համարներ: Բոլոր համարներում առկա է նախասրահ, ննջասենյակ, սանհանգույց, ամբողջությամբ կահավորված լոգասենյակ, հեռուստացույց` տեղական և արբանյակային հեռուստաալիքներով: Հյուրանոցը համալրված է կոնֆերանս դահլիճով, ռեստորանով, լաունջ բարով, որը տեղակայված է հյուրանոցային համալիրի տանիքում, լոբբի բարով, սրճարանով, բիլիարդի սրահով, լողավազանով և մարզասրահով: Ռեստորանում կարելի է վայելել ուտեստների լավագույն տեսականին` մշտապես թարմացվող ճաշացանկից: Կոնֆերանս դահլիճն ապահովված է բոլոր անհրաժեշտ սարքավորումներով` գործնական հանդիպումներ և սեմինարներ կազմակերպելու համար: Հյուրանոցն առաջարկում է օգտվել նաև սպա կենտրոնի, գեղեցկության սրահի և սաունայի ծառայություններից: Տարածքում գործում է անվճար Wi-Fi, ավտոկայանատեղի և ավտոմեքենաների վարձակալության կենտրոն: